Индиските спасувачки служби ги извлекле сите градежни работници, 41 од нив, заробени во срушениот тунел во Хималаите подолго од 17 дена, неколку часа откако го пробиле преминот преку карпи, бетон и земја.
Евакуацијата на слабо платените работници од најсиромашните индиски сојузни држави почнала повеќе од шест часа откако спасувачите пробиле преку урнатините на тунелот во државата Утаракханд, срушен на 12-ти ноември.
Uttarakhand tunnel resue operation is by far the fastest tunnel avalanche rescue operation in the world.
— Aviral Sharma (@sharmaAvl) November 28, 2023
Chile is one of the most developed countries in the world & it took 69 days to rescue workers from a similar condition. Our Bharat has done something truly unparalleled in… pic.twitter.com/IhhOm8DSp1
Извлечени се на носилки со тркала преку 90 центиметри широка челична цевка во акцијата која траела околу еден час. Итните служби порано пристигнале на излезот на тунелот за веднаш да ги однесат работниците во болницата оддалечена на околу 30 километри.
Насобраните жители со пиротехника и делење на колачи го прославиле спасувањето на работниците. Спасувачките служби вчера ангажирале таканаречени „стаорци рудари“ за да се пробијат до нив преку тесната цевка.
Hats off to the incredible rescue teams and volunteers in Uttarakhand for their relentless efforts! Your dedication and bravery have made a significant impact in challenging times. 🙌 #UttarakhandRescue pic.twitter.com/1YwrRV9duR
— Byomkesh (@byomkesbakshy) November 28, 2023
„Стаорското рударење“ е примитивна, опасна и контроверзна метода која се користи во Индија. Таа првенствено се користи за вадење на јаглен низ тесни премини.
