[ФОТО] Погледнете како изгледа денес неодоливото момче кое го паметиме од хит филмот со Том Круз

Денес 32-годишниот Џонатан, се прославил на само шест години и тоа во филмот „Jerry Maguire“ од 1996 година во којшто глумел заедно со Рене Зелвегер и Том Круз, а три години подоцна ја добил главната улога во филмот „Stuart Little“.

Присетувајќи се на животот на шестгодишник на филмски сет, Липницки еднаш изјавил:

„Секоја година спомените се сѐ помали, но со Том и Рене навистина беше супер да се работи. Со сите беше вистинско задоволство да се соработува, а јас само имав среќа тоа да ми биде првата улога во толку позитивно опкружување. Она на што се сеќавам е колку сите беа топли кон мене“.

Одредено време не сме го гледале на филмското платно, екраните ниту во јавноста, но тој е активен на социјалните мрежи.

На социјалната мрежа Инстаграм го следат 147 илјади луѓе, тој често споделува фотографии, а со својот изглед плени.

Покрај актерската кариера, Џонатан се занимавал и со боречки вештини и хуманитарна работа, меѓутоа зад него е и тешкиот период во кој се борел со анксиозност и депресија и тоа по сниманите филмски хитови.

За тоа тој искрено зборувал на почетокот на годинава:

„Се лекував многу долго затоа што имав проблеми со анксиозноста и депресијата. Не знаев како животот ќе ми заврши и тоа беше најниската точка која сум ја допрел“, изјавил тој.

На социјалните мрежи открил дека бил малтретиран во училиште, дека доживувал панични напади, но без оглед на тоа се охрабрил да ги оствари своите соништа.

„Неверојатно е колку луѓето можат да бидат злобни во тинејџерските денови. Им благодарам на сите што ме поддржуваат. Ве сакам и се надевам дека ова ќе ви помогне“, напишал во една прилика тој на Инстаграм.